C'l artìcul chè 'l è scrit in
Miranduléś |
![]() | ||
City of God | ||
![]() Haagensen e la Rodrigues in na figùra dal film | ||
La sità 'd Dio 2002 | ||
---|---|---|
Regìa: Fernando Meirelles • Kátia Lund | ||
Scritōr: Paulo Lins • Bráulio Mantovani | ||
Atōr: Alexandre Rodrigues • Phellipe Haagensen Leandro Firmino • Douglas Silva • Seu Jorge Jonathan Haagensen • Roberta Rodrigues | ||
Müsica: Ed Côrtes • Antonio Pinto | ||
Léngua: Purtughéś | ||
Dürä dal film: 130 minüt | ||
Nasiōṅ: Braśìl • Frància |
City of God (La sità 'd Dio) 'l è 'n film dramàtic braśigliàṅ e francéś dal 2002 ad Fernando Meirelles e dla Kátia Lund trat da 'l rumànś umònim e semi-biugràfic ad Paulo Lins. 'L è stâ preśentâ fóra cuncōrs a 'l 55śum Fèstival ad Cannes e 'l à fat sù da piò ad trénta migliòṅ ad dòlar a frònt 'd un cóst ad tri e tri.
In dal 2004 cla pelìcula chè, ambintànda in na favéla dal quartēr Cidade de Deus ad Rio de Janeiro, l'è stada candidàda a quàtar Prèmi Òscar ma la n à minga purtâ a cà gnint.
A la fiṅ di an Ssanta Buscapé (Alexandre Rodrigues) e Dadinho (Douglas Silva) i èṅ dū masćèṅ dimóndi amìg ch'i crés'n in dla favéla ad Cidade de Deus in du i vìv'n i puvràs ad Rio de Janeiro. Al prim al vrév rigàr drit e far al futógrafar da grand, al secónd invéci al vrév far furtùna faghénd al delinquènt tgnénd adrē a qvél ch'i fànan praticamènt tut lè, specialmènt cla canàja 'd Cabeleira (Jonathan Haagensen).
Al batéś dal sangṿ par Dadinho a gh'è durànt un cōlp in un caśèṅ quànd i mémbar più grand dla gang i pòrtan via i bèsi a i óm biànc mént'r i gùsan; lò invéci, sénsa èsar vist, al i cópa tut sōl p'r al gust ad masàr. Dvintâ più grand, druànd al nóm ad Zé Pequeno, Dadinho al dvènta 'l boss dal narcutràfic dal sò quartēr méntar Buscapé al s inamóra dna ragàsa cgnusùda in na spiàgia, l’Angélica (Alice Braga), che però la s mét c'n al bras dèst'r ad Zé Pequeno, Bené (Phellipe Haagensen).